Azərbaycanla İran nəqliyyat və tranzit sazişi imzalayacaq

Azərbaycana üç günlük səfər etmiş İranın yol və şəhərsalma naziri Fərzanə Sadiq səfərin yekunlarına dair qısa açıqlama verib.

presstvaz xəbər verir ki, bu barədə IRNA məlumat yayıb.

Fərzanə Sadiq bəyan edib ki, Azərbaycan tərəfi ilə birgə görüşdə nəqliyyat, sərhəd, gömrük və tranzit məsələləri üzrə Anlaşma Memorandumunun hazırlanması qərara alınıb və İran prezidentinin Azərbaycana səfəri zamanı iki ölkə arasında imzalanacaq.

Azərbaycan baş nazirinin müavini Şahin Mustafayevlə görüşündən söz açan iranlı nazir deyib ki, söhbət zamanı Prezident Məsud Pezeşkianın Azərbaycana səfəri üçün zəruri olan məsələlər və anlaşmalar daha ətraflı müzakirə edilib.

Məsud Pezeşkianın Azərbaycana səfərində iki ölkə arasında yük daşımalarının həcmini artırmaq məqsədi ilə iki ölkənin iş adamlarının görüşünün keçirilməsini planlaşdırdığını açıqlayan Fərzanə Sadiq bildirib ki, görüş İran Xarici İşlər Nazirliyi və İranın Ticarət Palatası ilə əməkdaşlıq çərçivəsində baş tutacaq.