Donald Tramp: “Müharibə hələ bitməyib, kimsə tətiyi çəkməli idi və mən çəkdim”

“Ticarət müharibəsi hələ bitməyib, lakin bir çox ölkə ABŞ ilə ticarət razılaşmaları əldə edilməsinə köklənib”.

presstvaz-ın TASS-a istinadən xəbərinə görə, ki, bu sözləri ABŞ Prezidenti Donald Tramp jurnalistlərin ticarət müharibəsi və danışıqlara hazır ölkələrlə bağlı suallarını cavablandırarkən deyib.

“Hələ heç nə yekunlaşdırılmayıb, lakin digər ölkələrdən, o cümlədən Çindən ciddi şəkildə niyyətlər var”, – deyə Tramp bildirib.

O, həmçinin gömrük rüsumlarının artırılmasının səbəblərindən də danışıb.

“ABŞ ilə dünya ticarətində baş verənlər dayanıqlı deyildi. Kimsə tətiyi çəkməli idi. Mən tətiyi çəkmək qərarına gəldim. Bunu çoxdan etmək lazım idi”, – deyə ABŞ prezidenti qeyd edib.

Trampdan niyə 90 gün ərzində qarşılıqlı əsasda tətbiq edilən əlavə idxal rüsumlarını dayandırmaq qərarına gəldiyini soruşublar.

“Mənə elə gəlirdi ki, insanlar rüsum elanlarından sonra bir az vərdiş etdikləri rutinlərindən çıxmağa başlayıblar. Onlar gərgin və bir az qorxmuş idilər, çünki qarşıda bizi çox iş gözləyir. Başqa heç bir prezident mənim etdiyimi etməzdi”, – deyə o cavab verib.