Növbəti köç karvanı Suqovuşan kəndinə çatıb, mənzillərin açarları təqdim edilib

Suqovuşan kəndinə köçən ailələrə mənzillərin açarları təqdim edilib.

presstvaz “Report”a istinadən xəbər verir ki, açarların təqdim edilməsində Xankəndi şəhərində, Ağdərə və Xocalı rayonlarında Bərpa, Tikinti və İdarəetmə Xidmətinin əməkdaşları və Qaçqınların və Məcburi Köçkünlərin İşləri üzrə Dövlət Komitəsinin rəsmiləri iştirak ediblər.

Ağdərə rayonunun yenidən qurulan Suqovuşan kəndinə ölkənin müxtəlif yerlərindən, əsasən, yataqxanalarda, sanatoriya və inzibati binalarda müvəqqəti məskunlaşmış ailələrdir. Bu mərhələdə kəndə 53 ailə – 174 nəfər köçürülüb. Doğma yurda qayıdan sakinlər hərtərəfli dövlət qayğısı ilə əhatə olunduqlarına görə Prezident İlham Əliyevə və Birinci vitse-prezident Mehriban Əliyevaya təşəkkür ediblər.

12:44

Tərtər rayonundan Suqovuşan kəndinə yola salınan növbəti köç karvanı çatıb.

presstvaz “Report”a istinadən xəbər verir ki, sakinlərə daimi yaşamaları üçün məntəqədə fərdi evlər verilib.

11:17

Prezident İlham Əliyevin tapşırığına uyğun olaraq, işğaldan azad edilmiş ərazilərə Böyük Qayıdış davam etdirilir. Plana uyğun olaraq, bu gün Ağdərə rayonunin Suqovuşan kəndinə növbəti köç karvanı yola salınıb.

presstvaz “Report”a istinadən xəbər verir ki, bu mərhələdə kəndə 53 ailə – 174 nəfər köçürülür.

Suqovuşan kəndinə köç edənlər ölkənin müxtəlif yerlərində, əsasən, yataqxanalarda, sanatoriya və inzibati binalarda müvəqqəti məskunlaşmış ailələrdir.