Toyundan 8 ay sonra şəhid olan Elvin Qayıbovun atası DANIŞDI: “Zənglə danışarkən bizə bildirmirdi”

“Televiziyada Aprel döyüşlərinin başladığını görürdük, amma zənglə danışarkən bizə bildirmirdi”.

Bu sözləri Baku TV-yə müsahibəsində Aprel döyüşlərində şəhid olan Elvin Qayıbovun atası Sədrəddin Qayıbov deyib.

“Toyundan 8 ay sonra şəhid oldu. İki bacının bir qardaşı olub. Bizə deyərdi ki, məndən narahat olmayın. Elvinin yoldaşları tez-tez gəlirlər. Deyirdilər ki, biz onun hörmətini ömür boyu itirmərik”.

Qeyd edək ki, Elvin Qayıbov 1989-cu ilin 26 dekabr günündə Xaçmaz rayonunun Əbilyataq kəndində anadan olub. Çavuş Elvin Qayıbov 2016-cı ilin aprel ayında Azərbaycan-Ermənistan təmas xəttində baş verən atışma zamanı qəhrəmancasına şəhid olub.

Aprelin 5-i isə Xaçmaz rayonunun Əbilyataq kəndində son mənzilə yola salınıb.

Elvin Qayıbov ölümündən sonra göstərdiyi qəhrəmanlığa görə Azərbaycan Respublikasının Prezidenti İlham Əliyevin sərəncamı ilə “Hərbi xidmətdə fərqlənməyə görə” III dərəcəli medalı ilə təltif edilib.

Ətraflı süjetdə: