ABŞ və Rusiya nümayəndələri Səudiyyə Ərəbistanında görüşəcəklər

ABŞ rəsmiləri bu həftə Səudiyyə Ərəbistanında təkcə Ukrayna rəsmiləri ilə deyil, həm də Rusiya nümayəndələri ilə görüşəcəklər.

presstvaz xəbər verir ki, bu barədə CNN məlumat yayıb.

“Tramp administrasiyasının yüksəkvəzifəli rəsmiləri bu həftə Səudiyyə Ərəbistanında Rusiya və Ukrayna rəsmiləri ilə ayrı-ayrılıqda görüşəcəklər”, – deyə telekanal bildirib.

Danışıqlarda kimin iştirak edəcəyi dəqiqləşdirilməyib.

Bundan əvvəl ABŞ Prezidenti Donald Tramp jurnalistlərə Səudiyyə Ərəbistanında Ukrayna ilə bağlı vacib görüşlərin keçiriləcəyini və bu görüşlərin həm də Rusiya ilə əlaqəli olacağını bildirmişdi.

“Hesab edirəm ki, bu həftə əhəmiyyətli irəliləyiş əldə edəcəyik”, – deyə Tramp vurğulayıb.

Bundan əvvəl “Axios” portalının müxbiri Barak Ravid ABŞ və Ukrayna nümayəndə heyətlərinin keçiriləcək görüşdə Rusiya ilə Ukrayna arasında atəşkəs elan edilməsinin mümkünlüyünü müzakirə edəcəklərini bildirmişdi. Məlumata görə, görüş 12 mart, çərşənbə günü Ciddə şəhərində baş tutacaq. ABŞ-nin dövlət katibi Marko Rubio görüşdə iştirak edəcək ABŞ rəsmiləri arasında yer alır.