Qan damarlarını gücləndirmək üçün ən yaxşı məhsullar açıqlandı

Mar 6, 2025 14:03 (UTC +04:00)

presstv

"Presstv"az #Düzgün qidalanma, #Həkim, #Rusiya, #sarımsaq, #Sitrus meyvələri, #Yulaf

Son xəbərlər, Azərbaycanda və Dünyada ən aktual hadisələr "Presstv".az Azərbaycan Xəbər Portalı “Global Media Group”a daxil olan "Presstv".az Azərbaycan xəbər portalı 2023-cü ilin 16 Oktyabr- dan fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir. "Presstv".az 24 saat ərzində, Azərbaycan Türk Rus və İnglis dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır. Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün "Presstv".az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.

Damarların vəziyyəti bütün orqanizmin sağlamlığına böyük təsir göstərir. Xüsusilə, bu, ateroskleroz və hipertoniyanın inkişaf riski ilə birbaşa əlaqəlidir.

presstvaz-ın gazeta.ru-ya istinadla verdiyi məlumata görə, bu barədə funksional diaqnostika üzrə rusiyalı mütəxəssis, tibb elmləri namizədi İrina Polyayeva xəbərdarlıq edib.

Onun sözlərinə görə, damar sisteminin sağlamlığı üçün əsas amillərdən biri düzgün qidalanmadır.

Həkim damar divarlarını möhkəmləndirən məhsullar haqqında danışıb. Onları təqdim edirik:

Meyvələr və giləmeyvələr

Sitrus meyvələri – limon, portağal, qreypfrut – damarları möhkəmləndirən “C” vitamini ilə zəngindir. Giləmeyvələr (qaragilə, moruq, çiyələk) isə qan dövranını yaxşılaşdıran və iltihab proseslərini azaldan antioksidantlar və flavonoidlər ehtiva edir.

Yaşıl tərəvəzlər və göyərtilər

İspanaq, kələm, brokkoli, yaşıl bibər və digər göyərtilər “K” və “C” vitaminləri, eləcə də maqneziumla zəngindir. Bu maddələr damar divarlarının sağlamlığına müsbət təsir göstərir.

Qoz-fındıq və toxumlar

Qoz, badam, kətan və çia toxumları “omeqa-3” yağ turşularının mənbəyidir. Bu maddələr xolesterinin səviyyəsini aşağı salır və damar elastikliyini artırır.

Balıq və dəniz məhsulları

Dəniz məhsulları “omeqa-3” yağ turşuları ilə zəngindir. Onlar trigliseridlərin səviyyəsini aşağı salır və ürək-damar sisteminin sağlamlığını yaxşılaşdırır.

Taxıllar və liflə zəngin məhsullar

Yulaf, qəhvəyi düyü və kinoa orqanizmdə maddələr mübadiləsini yaxşılaşdıran və damar sağlamlığını dəstəkləyən “B” qrupu vitaminləri və lif ehtiva edir.

Ədviyyatlar və ətirli bitkilər

Sarıkök tərkibində güclü iltihabəleyhinə təsiri olan kurkumin maddəsini saxlayır. Zəncəfil qan dövranını yaxşılaşdırır və antioksidant təsir göstərir. Sarımsaq isə qan dövranını gücləndirir və iltihabla mübarizə aparır.

İrina Polyaeva vurğulayıb ki, damar divarlarının möhkəmləndirilməsi ürək-damar xəstəliklərinin profilaktikasında mühüm rol oynayır. Bunun üçün təkcə düzgün qidalanmaq deyil, həm də müntəzəm fiziki fəaliyyətlə məşğul olmaq və zərərli vərdişlərdən imtina etmək vacibdir.