Fidan ABŞ-ı tərk etdi

Xarici işlər naziri Hakan Fidan vətənə qayıtmaq üçün Vaşinqtonu tərk edib. Fidanın axşam saatlarında Ankaraya çatacağı gözlənilir.

presstvaz   xəbər verir ki, Xarici işlər naziri Hakan Fidan Türkiyə- ABŞ Strateji Mexanizminin 7-ci iclası münasibətilə 2 günlük səfərə gəldiyi Vaşinqtonda təmaslarını tamamlayıb . Cümə günü yerli vaxtla axşam saat 21.30-da (şənbə günü 05.30) Vaşinqtondan ayrılan xarici işlər naziri Fidanın axşam saatlarında Ankaraya çatacağı gözlənilir.

Nazir Fidan səfərinin ilk günündə Ağ Evin milli təhlükəsizlik müşaviri Ceyk Sullivan, Xarici Əlaqələr Komitəsinin sədri Bencamin Kardin və Senatda komitə üzvü olan senatorlar, Kəşfiyyat Komitəsinin sədri Mark Uorner ilə görüşüb.

Nazir Fidan cümə günü Strateji Mexanizm Görüşü keçirdikləri amerikalı həmkarı Antoni Blinkenlə görüşüb. Fidan Atlantic Council və SETA Washington Branch kimi beyin mərkəzlərində, həmçinin Washington Post qəzetinin redaksiyasında qonaq olub.

Xarici işlər naziri Fidan Ankaraya yola düşməzdən əvvəl ABŞ-a səfərini dəyərləndirmək üçün Vaşinqton səfirliyinin iqamətgahında türk mətbuat nümayəndələri ilə görüşüb.