İtaliya A Seriyası: “Napoli” və “Udineze” xalları bölüşdülər

İtaliya A Seriyasının 24-cü turunda “Napoli” və “Udineze”nin qarşılaşdığı matç heç-heçə başa çatıb.

presstvaz   xəbər verir ki, oyunun yekun hesabı 1:1 olub.

37-ci dəqiqədə “Napoli”nin yarımmüdafiəçisi Skott Maktominey hesabı açıb. “Udineze”nin cavab qolunu 40-cı dəqiqədə yarımmüdafiəçi Yurgen Ekkelenkamp vurub.

A Seriyasının turnir cədvəlinə 24 oyundan sonra 55 xalı olan “Napoli” başçılıq edir. “Udineze” isə eyni sayda oyundan sonra 30 xalla 10-cu yerdədir.