Dünya şirkətləri işçilərini süni intellektlə əvəzləyir – Yüzlərlə adam işsiz qaldı

Dünya İqtisadi Forumunun (WEF) yeni hesabatına əsasən, iri şirkətlərin 41%-i 2030-cu ilə qədər süni intellektdən (Sİ) istifadə edərək iş tapşırıqlarını avtomatlaşdırmaq və işçi qüvvəsini azaltmaq niyyətindədir. Bu məlumat “Future of Work” tədqiqatının bir hissəsi olaraq, dünya üzrə yüzlərlə böyük şirkət arasında aparılan sorğuya əsaslanır.

presstvaz xəbər verir ki, CNN-in məlumatına görə, hesabatda qeyd olunur ki, sorğuda iştirak edən şirkətlərin 77%-i 2025-2030-cu illər arasında süni intellektlə əməkdaşlıq etmək üçün işçilərinin yenidən hazırlanması və bacarıqlarının artırılması üzrə planlarını açıqlayıb.

WEF-in vurğuladığına görə, süni intellekt və bərpa olunan enerji sektorlarının inkişafı əmək bazarında əhəmiyyətli dəyişikliklər yaradır. Bu, texnologiya mütəxəssislərinə olan tələbatı artırsa da, qrafik dizaynerlər kimi bəzi peşələrə olan ehtiyacı azaldır.

Hesabat göstərir ki, əmək bazarı texnologiyaların yüksəlişi ilə paralel olaraq yenidən formalaşır və işəgötürənlər yeni reallıqlara uyğunlaşmaq üçün həm avtomatlaşdırmaya, həm də insan potensialına investisiya etməyə hazırlaşırlar.