Putindən hərbçilər üçün Milad bayramında qeyri-adi hədiyyə

Rusiya Prezidenti Vladimir Putin bu il Milad bayramını xüsusi bir şəkildə qeyd edib. O, Poklonnaya dağındakı məbəddə keçirilən Milad ibadətindən sonra “Xilaskar İsa” məbədinə yollanıb. Burada isə Moskva və Bütün Rusiyanın Patriarxı Kirill Putinin xahişi ilə hərbçilər üçün boyunbağı xaçlarını və ikonaları təqdis edib.

presstvaz-ın TASS-a istinadən məlumatına görə, bu barədə prezidentin mətbuat katibi Dmitri Peskov xəbər verib.

Bildirilir ki, mehrabda baş tutan söhbət zamanı prezident patriarxa bu əşyaları Rusiyanın təhlükəsizliyinin təmin edilməsi üzrə xüsusilə vacib tapşırıqları yerinə yetirən qoşun qruplaşmalarının komandanlarına verəcəyini bəyan edib.

Patriarx Kirill dövlət başçısının iştirakı ilə boyunbağı xaçları və ikonaları təqdis edib.

Peskovun sözlərinə görə, Putin xaçların zəncirlərinin ayrı-ayrı həlqələrində özünün ad-soyadının baş hərflərinin həkk olunmasını xahiş edib.