“Böyük dəbilqə”: Hidayət Heydərov və Zelim Tçkayev çempion olub – FOTO

Bakıda keçirilən cüdo üzrə “Böyük dəbilqə” davam edir.

presstvaz   xəbər verir ki, yarışın ikinci günündə Azərbaycan millisinin 9 üzvü tatamı üzərinə çıxıb.

Onlardan ikisi qızıl, biri gümüş medal qazanıb.

Yığmamızın lideri Hidayət Heydərov (73 kq) həlledici qarşılaşmada Abubakr Şerovla (Tacikistan) güləşib. Görüş üçqat Avropa çempionumuzun qələbəsi ilə başa çatıb. O, millimizə Bakıda ilk qızıl medalı qazandırıb.

81 kq-da isə Azərbaycan finalı baş tutub. Zelim Tçkayev və Omar Rəcəbli ilə üz-üzə gəlib. Qarşılaşmanı Tçkayev aktivinə yazaraq, fəxri kürsünün ən yüksək pilləsinə qalxıb. Rəcəbli ikinci yerlə kifayətlənib.

Daha bir cüdoçumuz günü medalla başa vurmağa yaxın olsa da, bunu bacarmayıb. Yarımfinalda Heydərova uduzan Rəşid Məmmədəliyev (73 kq) bürünc üçün Artur Marqelidonla (Kanada) münasibətiə aydınlıq gətirib. Rəqib gələbə qazandığından təmsilçimiz 5-ci olub.

Qeyd edək ki, Olimpiadaya lisenziya xalları verən yarışda 61 ölkədən 404 idmançı iştirak edir. “Böyük Dəbilqə”nin ilk günündə Azərbaycan cüdoçularından Balabəy Ağayev (60 kq) və Yaşar Nəcəfov (66 kq) 3-cü yeri tutublar.