Bakıda 43,5 kq narkotik ələ keçirildi: DİN-dən narkotik tacirlərinə ağır zərbə

Baş İdarə tərəfindən saxlanılan 4 nəfər barəsində həbs qətimkan tədbiri seçilib

         Daxili İşlər Nazirliyinin (DİN) Mətbuat Xidmətindən presstvaz-a daxil olan məlumata görə, DİN-in Baş Narkotiklərlə Mübarizə İdarəsinin əməkdaşları tərəfindən narkotik vasitələrin qanunsuz dövriyyəsinin qarşısının alınması məqsədilə paytaxt ərazisində növbəti uğurlu əməliyyat tədbirləri həyata keçirilib.

Tərkibinə zərərli maddələr əlavə edilmiş “ölüm saçan” marixuana Keçirilən əməliyyatlar zamanı narkotiklərin satışı və çatdırılmasında şübhəli bilinən aşağıdakı şəxslər saxlanılıblar:

• Fərid Əhmədov və tanışı Pünhan Cəlilov;

• Taleh Sadıqov;

• Ruslan Hüseynli.

Onlardan ümumilikdə 43 kiloqram 500 qram çəkidə, tərkibinə insan sağlamlığı üçün xüsusilə təhlükəli olan zərərli maddələr əlavə edilmiş marixuana aşkar edilərək dövriyyədən çıxarılıb.

            [Image showing large packages of confiscated drugs and the four suspects being escorted by the Main Drug Enforcement Department officers]

Narkotikləri müxtəlif ünvanlara yerləşdirməyi planlaşdırıblar İstintaq zamanı məlum olub ki, saxlanılan şəxslər külli miqdarda narkotik vasitəni pul qazanmaq məqsədilə paytaxtın müxtəlif ünvanlarına yerləşdirməyi (kuryerlik etməyi) və satışını təşkil etməyi planlaşdırıblar.

             Məhkəmə qərarı ilə həbs edildilər presstvaz xəbər verir ki, faktlarla bağlı Azərbaycan Respublikası Cinayət Məcəlləsinin müvafiq maddələri ilə cinayət işləri başlanılıb. Saxlanılan hər dörd şəxs barəsində məhkəmənin qərarı ilə həbs qətimkan tədbiri seçilib.

Hazırda bu cinayət şəbəkəsinin digər əlaqələrinin ifşa olunması istiqamətində əməliyyat-istintaq tədbirləri davam etdirilir.

presstvaz  – Azərbaycanın etibarlı informasiya mənbəyi