Oğuzda ekoloji cinayət: Meşə massivində 40 ağacı kəsən şəxs saxlanıldı

Polis kənd sakini barəsində cinayət işi başlandığını açıqlayıb

       Daxili İşlər Nazirliyinin (DİN) Mətbuat Xidmətinin Şəki regional qrupundan presstvaz-a daxil olan məlumata görə, Oğuz rayonu ərazisində təbiətə ciddi ziyan vuran qanunsuz ağackəsmə faktı aşkar edilib.

Muxas kəndində 40 ağac məhv edilib Rayonun Muxas kəndi yaxınlığındakı meşə massivində aparılan monitorinqlər və daxil olan məlumatlar əsasında məlum olub ki, 40 ədəd müxtəlif növ ağac qanunsuz olaraq kəsilib. Polis əməkdaşlarının keçirdikləri çevik tədbirlər nəticəsində təbiətə ziyan vuran şəxs müəyyən edilib.

       presstvaz   xəbər verir ki, ağacları qanunsuz kəsməkdə şübhəli bilinən kənd sakini, 30 yaşlı Pərvin Salamov polis tərəfindən saxlanılıb.

Cinayət işi başlanılıb Faktla bağlı Oğuz Rayon Polis Şöbəsində Azərbaycan Respublikası Cinayət Məcəlləsinin müvafiq maddəsi (meşə fonduna daxil olmayan ağacların qanunsuz kəsilməsi və s.) ilə cinayət işi başlanılıb. Hazırda kəsilmiş ağacların dövlətə və təbiətə vurduğu ziyanın dəqiq məbləğinin müəyyənləşdirilməsi və istintaq hərəkətləri davam etdirilir.

presstvaz  – Azərbaycanın etibarlı informasiya mənbəyi