Avropa bürokratiyası İsveçin süni intellekt sıçrayışını təhdid edir

İsveçin süni intellekt (AI) sahəsində fəaliyyət göstərən startapları bildirir ki, Avropa İttifaqının tətbiq etdiyi ağır tənzimləmələr və bürokratik maneələr bölgədəki texnoloji innovasiyaları boğur. Sahibkarların fikrincə, bu vəziyyət Avropanın ABŞ və Çin ilə rəqabətdə geri qalmasına səbəb olur.

presstvaz xəbər verir ki, Avropa İttifaqının süni intellektlə bağlı qəbul etdiyi yeni qanunlar startaplar üçün çox baha başa gəlir. Kiçik şirkətlər bu qaydalara uyğunlaşmaq üçün böyük hüquqi və inzibati xərclərlə üzləşirlər.

İsveç illərdir Avropanın texnologiya mərkəzi hesab olunsa da, yerli şirkətlər artıq qlobal rəqabətdə “əllərinin-qollarının bağlandığını” hiss edirlər.

Bürokratik çətinliklər səbəbindən investorlar pullarını Avropa əvəzinə, daha az məhdudiyyətin olduğu ABŞ bazarına yatırmağa üstünlük verirlər.

İsveçli sahibkarlar rəsmi Brüsseldən qaydaları yumşaltmağı və innovasiyalar üçün daha çevik bir mühit yaratmağı tələb edirlər. Əks halda, Avropanın növbəti böyük texnoloji inqilabdan kənarda qalacağı bildirilir.