Bakının ən problemli yolunda inqilabi dəyişiklik: “Şamaxinka”da ilk dəfə svetoforlar işə düşdü

DİN-in Nəqliyyatı İntellektual İdarəetmə Mərkəzi ərazidə 13 svetofor quraşdırıb

       Daxili İşlər Nazirliyinin (DİN) Nəqliyyatı İntellektual İdarəetmə Mərkəzindən (NİİM) presstvaz-a daxil olan məlumata görə, Yasamal rayonu, Moskva prospektinin “Şamaxinka” adlanan ərazisində hərəkətin təhlükəsizliyini və nizamlılığını təmin etmək məqsədilə mühüm addım atılıb. Artıq sözügedən yol sahəsi müasir svetoforlarla tənzimlənir.

13 svetofor dirəyi və yeni nizamlılıq Hərəkətin təşkilində edilən köklü dəyişikliklərlə əlaqədar olaraq, NİİM əməkdaşları tərəfindən ərazidə ümumilikdə 13 svetofor dirəyi quraşdırılıb. Bu dirəklər üzərində həm nəqliyyat vasitələri, həm də piyadalar üçün xüsusi bölmələr yerləşdirilib.

presstvaz  xəbər verir ki, yeni quraşdırılan sistem aşağıdakı sahələrdə hərəkət növbəliliyini tənzimləyəcək:

• Moskva prospektinin 20 Yanvar küçəsi ilə kəsişmələri;

• Kəsişmələrin yaxınlığında yerləşən geriyədönmə yerləri;

• Piyadaların keçid təhlükəsizliyi.

AYNA-nın layihəsi əsasında icra olunub Qeyd edilən yeniliklər Azərbaycan Yerüstü Nəqliyyat Agentliyinin (AYNA) hazırladığı xüsusi layihə əsasında həyata keçirilib. Məqsəd həm avtomobillərin, həm də piyadaların xaotik hərəkətinin qarşısını almaq, ərazidəki tıxacları minimuma endirməkdir.

       NİİM sürücülərə və piyadalara tövsiyə edir ki, ərazidəki yeni nişanlanma və svetoforların tələblərinə ciddi əməl etsinlər.

presstvaz    – Azərbaycanın etibarlı informasiya mənbəyi