Azərbaycan polisindən iri əməliyyat: 44 kq narkotik və “arsenal” dolu silahlar ələ keçdi

DİN bir gün ərzində dövriyyədən minlərlə psixotrop həb və pulemyot çıxarıb

        Daxili İşlər Nazirliyinin (DİN) Mətbuat Xidmətindən presstvaz-a daxil olan məlumata görə, fevralın 19-da respublika ərazisində narkotik vasitələrin qanunsuz dövriyyəsi və qanunsuz silah-sursatın yığılması istiqamətində genişmiqyaslı əməliyyatlar həyata keçirilib.

Narkotik şəbəkəsinə ağır zərbə: 44 kq-dan çox vasitə Həyata keçirilən operativ tədbirlər nəticəsində narkobazara çıxarılması planlaşdırılan külli miqdarda zərərli maddə dövriyyədən çıxarılıb.

• Ümumi çəkisi 44,3 kiloqrama yaxın müxtəlif növ narkotik vasitə;

• 1064 ədəd güclü təsiredici xassəyə malik (psixotrop) həb aşkar edilərək götürülüb.

Qanunsuz silahların müsadirəsi: Pulemyot və avtomatlar Silah-sursatın aşkar olunaraq götürülməsi istiqamətində keçirilən əməliyyat və profilaktik tədbirlər zamanı paytaxt və rayonlarda ciddi nəticələr əldə olunub. presstvaz xəbər verir ki, polis əməkdaşları bir gün ərzində aşağıdakı “arsenal”ı müsadirə ediblər:

• 5 ədəd avtomat silahı;

• 1 ədəd pulemyot;

• 1 ədəd tapança;

• 11 ədəd müxtəlif növ tüfəng;

• 27 ədəd patron darağı və 323 ədəd müxtəlif çaplı patron.

Daxili İşlər Nazirliyi bəyan edir ki, vətəndaşların təhlükəsizliyinin təmin edilməsi və cinayətkarlıqla mübarizə istiqamətində qətiyyətli tədbirlər fasiləsiz olaraq davam etdirilir.

presstvaz  – Azərbaycanın etibarlı informasiya mənbəyi