Nəsimi rayonunda məktəblilər polis idarəsində: Gələcəyin polisləri xidmət prosesi ilə tanış olublar

Polis polkovniki Vüqar Ağayev şagirdlərlə görüşüb, onlara Polis Akademiyasının üstünlüklərindən danışıb

       Daxili İşlər Nazirliyinin (DİN) Mətbuat Xidmətindən presstvaz-a daxil olan məlumata görə, gənclərin polis peşəsinə marağının artırılması və DİN-in Polis Akademiyasında təhsilə təşviq edilməsi məqsədilə Nəsimi rayonunda silsilə tədbirlər davam etdirilir.

Akademiyanın tələbələr üçün yaratdığı geniş imkanlar Nəsimi Rayon Polis İdarəsinin (RPİ) rəisi, polis polkovniki Vüqar Ağayevin, müəllim və şagird heyətinin iştirakı ilə keçirilən görüşdə gənclərə Polis Akademiyası barədə ətraflı məlumat verilib. Çıxışlarda xüsusilə aşağıdakı məqamlar vurğulanıb:

• İxtisaslar: “Hüquqşünaslıq” və “İnformasiya təhlükəsizliyi” üzrə qəbul qaydaları;

• İnnovasiya: “Virtual Akademiya” platforması və ödənişsiz təhsil resursları;

• Dövlət təminatı: Pulsuz geyim, yataqxana, yüksək təqaüd və təhsil müddətinin iş stajına daxil edilməsi;

• Karyera: Hərbi mükəlləfiyyət imtiyazları və xüsusi rütbələrin verilməsi.

presstvaz  xəbər verir ki, tədbirdə kursantların hazırlıq prosesini əks etdirən xüsusi videoçarx nümayiş olunub.

“Təhlükəsiz Şəhər” və xüsusi təyinatlıların təlimi Tədbirin ən maraqlı hissəsi şagirdlərin Nəsimi RPİ-nin daxili bölmələri ilə tanışlığı olub. Məktəblilər idarənin Növbətçi Hissəsi, Müvəqqəti Saxlanma Yeri və “Təhlükəsiz Şəhər” monitorinq otağında iş prosesini canlı izləyiblər.

       Həmçinin gənclər Kriminalist Tədqiqatlar Bölməsində ekspertlərin işi, Post-Patrul Xidmətinin fəaliyyəti ilə yaxından tanış olub, xüsusi təyinatlı polis əməkdaşlarının peşəkar təlimlərini maraqla izləyiblər. Görüşün sonunda gələcəkdə polis olmaq istəyən gənclərə uğurlar arzulanıb.

 presstvaz  – Azərbaycanın etibarlı informasiya mənbəyi