Bakıda dayanacaqda unudulan çanta oğurlandı: Polis əməliyyat keçirdi

Nəsimi və Sabunçu rayonlarında silsilə oğurluq edən şəxslər saxlanılıb

       Daxili İşlər Nazirliyinin Mətbuat Xidmətindən presstvaz-a daxil olan məlumata görə, paytaxtın müxtəlif rayonlarında vətəndaşların əmlakını gizli yolla talayan şəxslərə qarşı keçirilən əməliyyat tədbirləri nəticəsində bir neçə cinayət faktının üstü açılıb.

Dayanacaqda unudulan qızıllar Nəsimi rayonu, Moskva prospektində yerləşən avtobus dayanacağında sərnişinlərdən biri avtobusa minərkən çantasını ehtiyatsızlıqdan dayanacaqda unudub. Fursetdən istifadə edən naməlum şəxs çantadakı 1200 manat dəyərində qızıl-zinət əşyalarını oğurlayaraq hadisə yerindən uzaqlaşıb.

       presstvaz  xəbər verir ki, Nəsimi Rayon Polis İdarəsinin əməkdaşları tərəfindən keçirilən operativ tədbirlərlə əməli törətməkdə şübhəli bilinən 22 yaşlı H.Məmmədov müəyyən edilərək saxlanılıb.

Yeni Ramanada ev oğurluğu Polis əməkdaşlarının keçirdiyi digər bir əməliyyat isə Sabunçu rayonu, Yeni Ramana qəsəbəsində baş tutub. Qəsəbədəki evlərin birindən:

• 2 ədəd televizor;

• 1 ədəd samovar;

• Qızıl-zinət əşyaları oğurlanıb.

Faktla bağlı keçirilən tədbirlər nəticəsində oğurluqda şübhəli bilinən 24 yaşlı X.Hüseynov və həmyaşıdı İ.Cənnətov saxlanılaraq istintaqa təhvil veriliblər.

       Hər iki fakt üzrə polis idarələrində araşdırmalar davam etdirilir.

presstvaz   – Azərbaycanın etibarlı informasiya mənbəyi