Polisdən “arsenal” əməliyyatı: Bir gündə yüzlərlə patron və avtomatlar götürüldü

DİN-in Mətbuat Xidməti qanunsuz saxlanılan silahların siyahısını açıqladı

          Daxili İşlər Nazirliyinin (DİN) Mətbuat Xidmətindən presstvaz-a daxil olan məlumata görə, ölkə ərazisində ictimai təhlükəsizliyin təmin edilməsi və qanunsuz odlu silahların dövriyyədən çıxarılması istiqamətində əməliyyat-profilaktik tədbirlər fasiləsiz davam etdirilir.

Fevralın 16-da polis əməkdaşlarının paytaxt Bakı və respublikanın ayrı-ayrı rayonlarında keçirdikləri növbəti əməliyyat tədbirləri nəticəsində xeyli sayda döyüş sursatı aşkar edilib. presstvaz  xəbər verir ki, cəmi bir gün ərzində polis tərəfindən aşağıdakılar götürülərək zərərsizləşdirilib:

• 3 avtomat silahı;

• 2 tapança;

• 7 qumbara və 2 alışdırıcı;

• 28 tüfəng;

• 12 patron darağı;

• 1177 ədəd müxtəlif çaplı patron.

Daxili İşlər Nazirliyi bir daha vətəndaşları xəbərdar edərək bildirir ki, qanunsuz saxlanılan silahların könüllü şəkildə polisə təhvil verilməsi onları cinayət məsuliyyətindən azad edir. Bu istiqamətdə qətiyyətli mübarizə tədbirləri davam etdirilir.

presstvaz  – Azərbaycanın etibarlı informasiya mənbəyi