Bakı DYP-dən sürücü və piyadalara müraciət: “Dumanlı hava təhlükə yaradır”

İdarənin Mətbuat Xidməti hərəkət iştirakçılarını daha diqqətli olmağa çağırdı

          Bakı Şəhər Baş Polis İdarəsinin Dövlət Yol Polisi (DYP) İdarəsinin Mətbuat Xidmətindən presstvaz-a daxil olan məlumata görə, dumanlı hava şəraiti ilə bağlı hərəkət iştirakçılarına xüsusi müraciət ünvanlanıb.

Məlumatda bildirilir ki, duman digər hərəkət iştirakçılarının, yol nişanlarının və nişanlama xətlərinin aydın görünməsinə ciddi maneə yaradır. Bu səbəbdən sürücülərdən sürət həddini hava şəraitinə uyğun seçmək, xarici işıq cihazlarının sazlığına əmin olmaq, dayanma, durma, parklanma, eləcə də ötmə və manevr zamanı təhlükəsizlik qaydalarına ciddi əməl etmək tələb olunur.

          presstvaz  xəbər verir ki, müraciətdə piyadalara da xüsusi xəbərdarlıq edilib. Piyadalar dumanlı havada sürücülərin yolun hərəkət hissəsini görməkdə çətinlik çəkdiklərini nəzərə almalı və yola çıxarkən maksimum məsuliyyət nümayiş etdirməlidirlər. Bakı Şəhər DYP İdarəsi hər bir hərəkət iştirakçısını yollarda diqqətli olmağa səsləyir.

presstvaz    – Azərbaycanın etibarlı informasiya mənbəyi