Evdə paltar qurudanların nəzərinə

Paltarların ev şəraitində qurudulması otaqdakı rütubət səviyyəsini sürətlə artırır.

presstvaz xəbər verir ki, artan nəmlik isə kif və göbələklərin çoxalması üçün əlverişli mühit yaradır. Bu vəziyyət xüsusilə öskürək, nəfəs darlığı, allergiya və uşaqlarda tənəffüs problemlərinə səbəb ola bilər.

Araşdırmalara görə, yüksək rütubət olan məkanlarda uzun müddət qalmaq tənəffüs yollarını qıcıqlandırır və immun sistemini zəiflədir. Xüsusilə astma və allergiyası olan şəxslər üçün evdə paltar qurudulması ciddi risk hesab olunur. Mütəxəssislər bildirir ki, kif sporları gözlə görünməsə də, havaya qarışaraq sağlamlığa zərər verə bilər.

Mütəxəssislər nə tövsiyə edir?

Paltarları imkan daxilində açıq havada qurudun

Qurutma maşınından istifadə edin

Paltarları evdə qurudursunuzsa, bunu ayrı bir otaqda, pəncərə açıq vəziyyətdə edin

Paltar qurudulan otaqda yatmayın

Sağlamlıq məişət rahatlığından daha önəmlidir və evdə paltar qurudarkən havalandırmaya xüsusi diqqət yetirilməlidir.