Sulutəpə dairəsi istiqamətində təmir işləri nəqliyyat sıxlığı yaradıb

Bir sıra əsas yollarda hərəkətdə çətinlik müşahidə olunur

       Daxili İşlər Nazirliyinin Mətbuat Xidmətindən presstvaz-a verilən məlumata görə, Binəqədi rayonu, Bakı–Sumqayıt şosesinin “Sulutəpə” dairəsi istiqamətində aparılan təmir işləri ilə əlaqədar nəqliyyat vasitələrinin hərəkətinə tətbiq edilən məhdudiyyət səbəbindən bir sıra əsas istiqamətlərdə nəqliyyat sıxlığı yaranıb.

Hazırda sıxlıq aşağıdakı yollar üzrə müşahidə olunur:

• Bakı–Sumqayıt şosesi – Sumqayıt istiqaməti

• Tbilisi prospekti – Sumqayıt istiqaməti

• Ziya Bünyadov prospekti – Alı Mustafayev küçəsi – Sumqayıt istiqaməti

• Nəsimi rayonu, Asif Məhərrəmov küçəsi – Beynəlxalq Avtovağzal istiqaməti

• Binəqədi rayonu, Mir Cəlal və Asif Məhərrəmov küçələrinin kəsişməsi – Beynəlxalq Avtovağzal istiqaməti

Qeyd edilən ərazilərdə nəqliyyat axınının tənzimlənməsi və hərəkətin intensivliyinin artırılması məqsədilə yol polisi əməkdaşları tərəfindən zəruri tədbirlər görülür.

presstvaz  – Azərbaycanın etibarlı informasiya mənbəyi