Nəsimi rayonunda külli miqdarda narkotik vasitə aşkarlanıb

3 kiloqramdan çox heroin və marixuana qanunsuz dövriyyədən çıxarılıb

       Daxili İşlər Nazirliyinin Mətbuat Xidmətindən presstvaz-a verilən məlumata görə, paytaxt ərazisində narkotik vasitə və psixotrop maddələrin qanunsuz dövriyyəsinə qarşı mübarizə tədbirləri davam etdirilir.

Nəsimi Rayon Polis İdarəsinin 20-ci Polis Şöbəsinin əməkdaşları tərəfindən keçirilən növbəti əməliyyat zamanı narkotik vasitələrin satışı və qanunsuz dövriyyəsi ilə məşğul olmaqda şübhəli bilinən, əvvəllər məhkum olunmuş 48 yaşlı Rizvan Fərəcov saxlanılıb. Onun üzərindən 2 kiloqram 430 qram marixuana və 1 kiloqram 117 qram heroin olmaqla, ümumilikdə 3 kiloqram 547 qram narkotik vasitə aşkarlanaraq götürülüb.

       Saxlanılan şəxs ifadəsində narkotik vasitələri satış məqsədilə əldə etdiyini bildirib.

Faktla bağlı cinayət işi başlanılıb, R.Fərəcov barəsində məhkəmənin qərarı ilə həbs qətimkan tədbiri seçilib. Araşdırmalar davam etdirilir.

presstvaz    – Azərbaycanın etibarlı informasiya mənbəyi