Mikelancelonun rəsmi 27,2 milyon dollara satıldı

İntibah dövrü rəssamı və heykəltəraşı Mikelancelo Buonarrotinin (1475-1564) rəsmi “Christie’s” hərracında 27.2 milyon dollara satılıb.

presstvaz xəbər verir ki, bu barədə ticarət məkanının mətbuat xidməti məlumat yayıb.

“Christie’s” hərrac evinin ekspertləri əvvəllər məlum olmayan qırmızı tabaşir eskizində Liviya Sibilinin sağ ayağının təsvir olunduğunu müəyyən ediblər. Peyğəmbər qadının fiqurunu Vatikandakı Sixtin Kapellasının freskalarında görmək olar.

Lotun başlanğıc qiyməti 2 milyon dollar olub. Hərrac 45 dəqiqədən çox davam edib və püşkatmanın anonim bir alıcısı tərəfindən 27.2 milyon dollara satın alınması ilə başa çatıb.

İtalyan heykəltəraş, rəssam, memar və şair Mikelancelo Qərb incəsənətinin inkişafına əhəmiyyətli təsir göstərib. Onun ən məşhur əsərləri arasında 300-dən çox fiqurun yer aldığı Sikstin Kapellasının tavanı (1508-1512), Florensiya Davud heykəli və Vatikandakı Müqəddəs Pyotr Bazilikasında saxlanılan “Pieta” (Məsihin mərsiyəsi) heykəltəraşlıq kompozisiyası mövcuddur.