Fransa Tayvan boğazında hərbi tranzitləri müdafiə etdi

Fransanın Tayvandakı de-fakto səfiri Frank Paris bildirib ki, xarici ölkələrin Tayvan boğazında keçirdiyi hərbi əməliyyatlar Çini təhrik etmək üçün deyil, beynəlxalq hüququ və naviqasiya azadlığını qorumaq məqsədi daşıyır.

presstvaz xəbər verir ki, bu barədə “Reuters” məlumat yayıb.

Paris bildirib ki, tranzitlər diqqətlə planlaşdırılır və heç bir təxribat xarakteri daşımır. Onun sözlərinə görə, bu əməliyyatlar strateji əhəmiyyətə malik su yolunda hüquqi normaların möhkəmləndirilməsinə xidmət edir və G7 ölkələri ilə koordinasiya şəraitində həyata keçirilir.

Boğaz dünya ticarəti üçün həyati əhəmiyyət daşıyır və Çin onu öz ərazi suları hesab edir. Tayvan və Qərb ölkələri isə bu iddianı rədd edirlər. ABŞ, Avstraliya, Böyük Britaniya, Kanada və Fransa vaxtaşırı boğazdan tranzit keçirərək naviqasiya azadlığını dəstəkləyirlər. Son Fransa gəmisi boğazdan 2024-cü ildə tranzit keçid edib.

Fransa Tayvanla rəsmi diplomatik əlaqə saxlamasa da, onu strateji tərəfdaş hesab edir və 30 il əvvəl satdığı “Mirage” qırıcıları və freqatlarla Tayvana texniki dəstək göstərməyə davam edir.