Şaxtalı hava şəraiti ilə əlaqədar bir sıra yollarda sürət həddi endirildi

Bütün məlumat-sürət tablolarında “sürüşkən yol” işarəsi aktivləşdirildi

         Daxili İşlər Nazirliyinin rəsmi mənbələrindən presstvaz-a daxil olan məlumata əsasən, hazırda Bakıda müşahidə edilən şaxtalı hava şəraiti ilə əlaqədar olaraq bəzi avtomobil yollarında hərəkət sürətinə məhdudiyyətlər tətbiq edilib.

Belə ki, Zığ dairəsi–Hava Limanı yolunda sürət həddi 40 km/saat, Heydər Əliyev prospekti–Mərdəkan–Zuğulba–Bilgəh yollarında isə bütün zolaqlar üzrə sürət həddi 20 km/saat endirilib. Ümumilikdə qeyd edilən yol sahələrində hərəkət üçün maksimal sürət 70 km/saat müəyyən olunub.

         Bununla bağlı DİN-in Nəqliyyatı İntellektual İdarəetmə Mərkəzinin əməkdaşları tərəfindən məlumat-sürət tablolarında müvafiq dəyişikliklər edilib, eyni zamanda bütün portallarda “sürüşkən yol” işarəsi aktivləşdirilib.

Sürücülərdən müəyyən edilmiş sürət həddinə ciddi riayət etmələri xahiş olunur.

 presstvaz  – Azərbaycanın etibarlı informasiya mənbəyi