12 kiloqram narkotik vasitə aşkarlanaraq götürüldü

Səbail rayonunda narkotiklərə qarşı əməliyyat keçirildi

         Daxili İşlər Nazirliyinin rəsmi mənbələrindən presstvaz-a daxil olan məlumata əsasən, DİN-in Mətbuat Xidmətindən verilən məlumata görə, Səbail Rayon Polis İdarəsi 9-cu Polis Şöbəsinin əməkdaşları tərəfindən narkotik vasitələrin qanunsuz dövriyyəsinə qarşı növbəti əməliyyat tədbiri keçirilib.

Tədbir zamanı 33 yaşlı Gəncə şəhər sakini Səfər Camalov saxlanılıb. Onun idarə etdiyi avtomobilə baxış zamanı 10 kiloqram 110 qram marixuana, 2 kiloqram 55 qram tiryək və 13 ədəd psixotrop tərkibli preqabalin həbi aşkar edilərək götürülüb.

        Araşdırmalarla müəyyən edilib ki, S.Camalov narkotik vasitələri sosial şəbəkə üzərindən tanış olduğu, şəxsiyyəti istintaqla araşdırılan İran vətəndaşından Bakı şəhərində satmaq məqsədilə əldə edib. O, narkotikləri paytaxt ərazisində müxtəlif ünvanlara yerləşdirərək bu barədə xarici narkotacirə məlumat verməli imiş.

Faktla bağlı cinayət işi başlanılıb, saxlanılan şəxs barəsində məhkəmənin qərarı ilə həbs qətimkan tədbiri seçilib. Araşdırmalar davam etdirilir.

presstvaz  – Azərbaycanın etibarlı informasiya mənbəyi