Ölkə üzrə 81 cinayət qeydə alınıb

Yanvarın 23-də 64 şübhəli şəxs saxlanılıb

       Daxili İşlər Nazirliyinin rəsmi mənbələrindən presstvaz-a daxil olan məlumata əsasən, yanvarın 23-də ölkə ərazisində polis əməkdaşları tərəfindən aparılan əməliyyat-axtarış tədbirləri nəticəsində 81 cinayət qeydə alınıb, əvvəlki dövrlərdən bağlı qalan 8 cinayətin açılması təmin olunub.

Görülən tədbirlər zamanı axtarışda olduğuna görə ümumilikdə 94 nəfər, o cümlədən borclu şəxs qismində axtarışda olan 65 nəfər saxlanılaraq aidiyyəti üzrə təhvil verilib.

       Həmin gün ərzində narkotiklərlə əlaqəli 40 fakt, qanunsuz saxlanılan silah-sursatın götürülməsi və aşkarlanması ilə bağlı 29 fakt da müəyyən edilib.

Eyni zamanda, cinayət törətməkdə şübhəli bilinən 64 nəfər polis əməkdaşları tərəfindən saxlanılıb.

      Daxili İşlər Nazirliyi tərəfindən ictimai asayişin və təhlükəsizliyin təmin olunması istiqamətində tədbirlər ardıcıl və qətiyyətlə davam etdirilir.

presstvaz  – Azərbaycanın etibarlı informasiya mənbəyi