KİV: Əbu-Dabidə Ukraynanın 800 milyard dollar müqabilində ərazilərindən imtina etməsi müzakirə olunacaq

Yan 24, 2026 02:32 (UTC +04:00)

presstv

"Presstv"az #ABŞ, #Audi, #Avropa, #Dollar, #Finlandiya, #İtaliya, #Rusiya, #Ukrayna, #Vaşinqton, #Vladimir Putin, #Volodimir Zelenski

Son xəbərlər, Azərbaycanda və Dünyada ən aktual hadisələr "Presstv".az Azərbaycan Xəbər Portalı “Global Media Group”a daxil olan "Presstv".az Azərbaycan xəbər portalı 2023-cü ilin 16 Oktyabr- dan fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir. "Presstv".az 24 saat ərzində, Azərbaycan Türk Rus və İnglis dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır. Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün "Presstv".az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.

Əbu-Dabidə keçiriləcək danışıqlarda müzakirə olunacaq sənədlərdə Ukraynanın 800 milyard dollarlıq maliyyə dəstəyi proqramı və təhlükəsizlik zəmanətləri müqabilində ərazilərindən imtina etməsi nəzərdə tutulur.

presstvaz-ın xəbərinə görə, bu barədə İtaliyanın “Corriere della Sera” qəzeti mənbələrə istinadən məlumat verib.

Məlumata görə, Rusiya, ABŞ və Ukraynanın danışıqlar qruplarının Əbu-Dabidə keçiriləcək ilk üçtərəfli görüşündə sülh müqaviləsinin əsasını təşkil edən dörd sənəd təqdim olunacaq. Xüsusilə, sənədlərdən biri Ukrayna Silahlı Qüvvələrinin Donbasdan tamamilə çıxarılması ilə bağlıdır.

Nəşrin məlumatına görə, kompensasiya olaraq amerikalılar Ukrayna üçün 800 milyard dollarlıq maliyyələşdirmə proqramı haqqında sənəd təklif edəcəklər. Bu, ABŞ-nin “BlackRock” investisiya şirkətinin başçısı Larri Finkin rəhbərliyi altında həyata keçiriləcək. Daha bir sənəd isə ABŞ-nin iştirakı və avropalıların dəstəyi ilə təhlükəsizlik zəmanətləri ilə bağlıdır.

“Sənədə görə, Volodimir Zelenski pul və Qərbin müdafiəsi müqabilində ərazilərdən imtina etməlidir”, – deyə qəzet yazıb.

Nəşrin qeyd etdiyi kimi, Finlandiya Prezidenti Aleksandr Stubbun sözlərinə görə, Ukraynanın 800 milyard dollarlıq yenidənqurma planı hələ kağız üzərində mövcuddur və onun üçün real fondlar yoxdur.

Qeyd edək ki, daha əvvəl Rusiya Prezidenti Vladimir Putinin Kremldə ABŞ Prezidentinin xüsusi nümayəndəsi Stiv Uitkoff və sahibkar Cared Kuşner ilə görüşü baş tutmuşdu. Rusiya prezidentinin köməkçisi Yuri Uşakovun sözlərinə görə, söhbət olduqca məzmunlu, konstruktiv, son dərəcə səmimi və etibarlı olub. Əsas mövzusu Ukrayna nizamlanması olan danışıqlar təxminən dörd saat davam edib. Moskva və Vaşinqton yanvarın 23-də Əbu-Dabidə Rusiya-ABŞ-Ukrayna üçtərəfli işçi qrupunun təhlükəsizlik məsələləri üzrə ilk iclasının keçirilməsi barədə razılığa gəliblər.

Rusiya danışıqlar qrupuna Rusiya Silahlı Qüvvələri Baş Qərargahının Baş İdarəsinin rəisi İqor Kostyukov rəhbərlik edəcək, Rusiya nümayəndələri yaxın saatlarda BƏƏ-yə yola düşəcəklər. Prezidentin köməkçisinin sözlərinə görə, qrupun tərkibinə Müdafiə Nazirliyi rəhbərliyinin nümayəndələri daxildir.