Narkotiklərin qanunsuz dövriyyəsində şübhəli bilinən şəxslər saxlanılıblar

Saatlıda 6 kiloqram narkotik vasitə aşkarlanıb

       Daxili İşlər Nazirliyinin rəsmi mənbələrindən  presstvaz-a daxil olan məlumata əsasən, Saatlı Rayon Polis Şöbəsinin əməkdaşları tərəfindən keçirilən əməliyyat tədbirləri nəticəsində narkotiklərin qanunsuz dövriyyəsini təşkil etməkdə şübhəli bilinən 34 yaşlı Alxan Ağarəhimov və 35 yaşlı Elvin Mehdiyev saxlanılıblar.

Bildirilib ki, onlardan 6 kiloqrama yaxın həşiş və marixuana aşkarlanaraq götürülüb. Saxlanılan şəxslər ifadələrində sosial şəbəkələr vasitəsilə tanış olduqları, şəxsiyyəti istintaqla araşdırılan İran vətəndaşı tərəfindən narkokuryerliyə cəlb olunduqlarını bildiriblər.

       Faktla bağlı Cinayət Məcəlləsinin müvafiq maddəsi ilə cinayət işi başlanıb, saxlanılan şəxslər barəsində məhkəmənin qərarı ilə həbs qətimkan tədbiri seçilib. Araşdırmalar davam etdirilir.

Bundan əlavə, rayon ərazisində qanunsuz saxlanılan silahların könüllü təhvil verilməsi istiqamətində aparılan profilaktik tədbirlər nəticəsində bir nəfər rayon sakini qanunsuz olaraq saxladığı avtomat silahı polisə könüllü şəkildə təhvil verib.

presstvaz  – Azərbaycanın etibarlı informasiya mənbəyi