Putin Qrenlandiyanın ABŞ-yə neçəyə başa gələcəyini açıqlayıb

Rusiya Prezidenti Vladimir Putin hesab edir ki, əgər Qrenlandiya satışa çıxarılsa, onun məbləği 200 milyon dollardan 1 milyard dollara qədər ola bilər.

presstvaz TASS-a istinadən xəbər verir ki, Putin bu barədə Təhlükəsizlik Şurasının iclasında bəyan edib.

“Qrenlandiyanın sahəsi Alyaskadan bir qədər böyükdür – mənim bildiyimə görə, təxminən 2,166 milyon kvadratkilometrdir. Yəni fərq haradasa 450-449 min kvadratkilometr təşkil edir. Əgər bunu ABŞ-nin Alyaskanı alarkən ödədiyi məbləğlə müqayisə etsək, Qrenlandiyanın qiyməti təxminən 200-250 milyon dollar ola bilər. Əgər bunu o dövrdəki qızıl qiymətləri ilə müqayisə etsək, bu rəqəm yəqin ki, 1 milyard dollara yaxın olardı”, – deyə Putin əlavə edib.

Onun sözlərinə görə, Qrenlandiya ətrafındakı vəziyyətin Rusiyaya dəxli yoxdur:

“Qrenlandiya məsələsinə gəlincə, bu, bizi qətiyyən maraqlandırmır – Qrenlandiya ilə baş verənlər bizə aid deyil”.

Putin eyni zamanda qeyd edib ki, Danimarka Qrenlandiyaya hər zaman koloniya kimi yanaşıb – sərt, hətta faktiki olaraq qəddar şəkildə.