Tovuz rayonunda narkokuryerliklə məşğul olan iki şəxs saxlanılıb

Polis Tovuzda 6 kiloqramdan artıq narkotik vasitə aşkarladı

       presstvaz-a Daxili İşlər Nazirliyinin rəsmi mənbələrindən daxil olan məlumata görə, Tovuz Rayon Polis Şöbəsinin əməkdaşları tərəfindən narkotik vasitələrin qanunsuz dövriyyəsinə qarşı həyata keçirilən əməliyyat tədbirləri nəticəsində iki nəfər saxlanılıb.

Araşdırmalar zamanı narkokuryerlik fəaliyyəti ilə məşğul olmaqda şübhəli bilinən, əvvəllər məhkum olunmuş 25 yaşlı Eşqin Ələkbərov və onun həmyaşıdı Seymur Zeynalov polis əməkdaşları tərəfindən tutulublar.

       E.Ələkbərovun yaşadığı ünvana keçirilən baxış zamanı oradan 3 kiloqram 200 qram marixuana və 3 kiloqram 350 qram həşiş olmaqla, ümumilikdə 6 kiloqramdan artıq narkotik vasitə aşkar edilərək götürülüb.

İstintaqla müəyyən edilib ki, saxlanılan şəxslər narkotik vasitələri ölkə ərazisinə qeyri-qanuni yolla gətirərək Tovuz rayonu ərazisində gizlədiblər və sonradan satış məqsədilə əldə ediblər.

        Faktla bağlı cinayət işi başlanılıb, məhkəmənin qərarı ilə hər iki şəxs barəsində həbs qətimkan tədbiri seçilib. Araşdırmalar davam etdirilir.

Məlumat Daxili İşlər Nazirliyinin rəsmi mənbələrinə istinadən yayımlanır.

presstvaz Azərbaycan xəbər portalı.