Rustem Umerov Türkiyədə görüşlər keçirib

Ukrayna Milli Təhlükəsizlik və Müdafiə Şurasının (MTMŞ) katibi Rustem Umerov Ankarada Türkiyənin xarici işlər naziri Hakan Fidanla görüşüb. Müzakirə olunan mövzulardan biri ukraynalı əsirlərin qaytarılması olub.

presstvaz xəbər verir ki, bu barədə MTMŞ katibi öz “Telegram” kanalında məlumat verib.

Onun sözlərinə görə, Fidanla danışıqlar zamanı təhlükəsizlik vəziyyəti, danışıqlar prosesinin gedişi və növbəti addımların koordinasiyası müzakirə edilib. Umerov qeyd edib ki, Türkiyə Ukrayna üçün mühüm tərəfdaş və dialoq üçün əsas platformalardan biridir.

Bundan əlavə, Umerov Türkiyədə Milli Kəşfiyyat Təşkilatının (MİT) rəhbəri İbrahim Kalınla da görüşüb. Onlar təhlükəsizlik vəziyyəti ilə bağlı qiymətləndirmələri bölüşüblər, hadisələrin mümkün inkişaf ssenarilərini və danışıqların dinamikası ilə regional şəraiti nəzərə alaraq fəaliyyətlərin koordinasiyasını müzakirə ediblər.

“Biz həmçinin hərbi əsirlərimizin azad edilməsi, eləcə də Rusiya tərəfindən qanunsuz olaraq qaçırılan mülki şəxslərin və uşaqların qaytarılması məsələlərini müzakirə etdik. Mövcud qarşılıqlı fəaliyyət formatları çərçivəsində sistemli işi davam etdiririk”, – deyə MTMŞ katibi vurğulayıb.