Kadırov Moskvada təcili xəstəxanaya yerləşdirildi

Ramzan Kadırovun dekabrın 25-nə keçən gecə Moskvada təcili xəstəxanaya yerləşdirildiyi bildirilir.

presstvaz globalinfo.az-a istinadla xəbər verir ki, bu barədə "Novaya Qazeta" nəşri mənbəyə istinadən məlumat yayıb.

Nəşrin yazdığına görə, Kadırov dekabrın 24-də Moskvaya gəlib, burada Vladimir Putinin və region rəhbərlərinin iştirakı ilə keçirilməsi planlaşdırılan Dövlət Şurasının iclasında iştirak etmək istəyib. Lakin səhhətinin qəfil pisləşməsi səbəbindən o, Prezident Administrasiyasının tabeliyində olan Mərkəzi Klinik Xəstəxanasına çatdırılıb.

Mənbənin iddiasına görə, Moskvada onu güclə xilas edə biliblər, bundan sonra isə Kadırov evinə qayıdıb və həmin vaxtdan bəri ictimaiyyət qarşısında görünməyib.

Qeyd olunur ki, 2026-cı ildə respublikada region rəhbərinin seçkiləri keçirilməlidir. Kadırovun bu seçkilərdə iştirak edə bilməməsi halında, Moskvada mümkün varislərlə bağlı hər hansı qeyri-rəsmi və ya qapalı danışıqlar aparılmayacaq.