Rəbiyyə Müseyibzadə: “Dual təhsildə normativ hüquqi bazanın hazırlanması planlaşdırılır”

“2027-30-cu illərdə Dual təhsildə (iş yerində öyrənmə) normativ hüquqi bazanın hazırlanması planlaşdırılır”.

presstvaz xəbər verir ki, bunu dekabrın 2-də təşkil edilən “Peşə Təhsili: nailiyyətlər və çağırışlar” konfransında Peşə Təhsili üzrə Dövlət Agentliyinin Peşə təhsili sektorunun aparacı məsləhətçisi Rəbiyyə Müseyibzadə açıqlayıb.

O bildirib ki, Dual təhsil sistemində tənzimləyici normativ-hüquqi bazanın olmaması müəyyən çətinliklər yaradır:

“Bu çətinliklərin aradan qaldırılması istiqamətində 2027-30-cu illər ərzində sözügedən təhsil sistemində normativ hüquqi bazanın hazırlanması planlaşdırılır. Bunun üçün ilk növbədə Dual Təhsilin “Peşə təhsili haqqında” qanuna inteqrasiya edilməsi lazımdır.

Həmçinin Dual təhsilin keçirilməsi üzrə çərçivə sənədlərin hazırlanması, peşə təhsili müəssisəsələrinin və iş götürənlərin öhdəliklərinin müəyyənləşdirilməsi, təhsilalanların və təhsilverənlərin əməyinin ödənişi üzrə tənzimləyici qaydalar tərtib edilməsi, keyfiyyətin ölçülməsi üzrə mexanizmlərin, etik davranış kodeksinin təsdiqlənməsi əsas ehtiyac və hədəflərdəndir”.