Türkmənistan kriptovalyuta hasilatını qanuniləşdirir

Türkmənistan Prezidenti Serdar Berdiməhəmmədov ölkədə kriptovalyuta hasilatını və kriptovalyuta mübadiləsi əməliyyatlarını 1 yanvar 2026-cı il tarixindən etibarən qanuniləşdirən “Virtual Aktivlər haqqında Qanun”u imzalayıb.

presstvaz xəbər verir ki, bu barədə “Neytral Türkmənistan” məlumat yayıb.

Qanun virtual aktivlərin istifadəsi üçün hüquqi və təşkilati çərçivəni müəyyən edir, ölkə daxilində bu sahədə fəaliyyətləri tənzimləyir.

Qanun qiymətli kağızlara, valyutalara, elektron pullara, bank əmanətlərinə və ya qumar oyunlarına şamil edilmir.

Qanuna görə, hasilat fərdi sahibkarlar və hüquqi şəxslər – Türkmənistanın rezidentləri və ya qeyri-rezidentləri tərəfindən həyata keçirilə bilər. Bütün hasilatçılar Mərkəzi Bankda elektron formada məcburi dövlət qeydiyyatından keçməlidirlər. Sertifikat müddətsiz verilir.

Virtual aktiv xidməti təminatçıları (kripto birjaları) yalnız Türkmənistanda qeydiyyatdan keçmiş və tənzimləyici orqanın lisenziyası əsasında fəaliyyət göstərən hüquqi şəxslər ola bilərlər.