DÇ-2026-nın daha üç iştirakçısı bəlli oldu

2026-cı ildə keçiriləcək dünya çempionatının seçmə mərhələsində növbəti qarşılaşmalar baş tutub.

presstvaz xəbər verir ki, A, G və L qruplarında mübarizəyə yekun vulub.

A qrupunda öz meydanında Slovakiyanı 6:0 hesabı ilə darmadağın edən Almaniya turnirin final mərhələsinə vəsiqə qazanıb. Məğlub tərəf mübarizəni pley-offda davam etdirmək imkanı əldə edib.

G qrupunda lider Niderland doğma azarkeşləri önündə Litvadan üstün olub – 4:0. Narıncılar bu qələbə ilə DÇ-də iştiraklarını rəsmiləşdiriblər. Səfərdə Maltanı məğlub edən Polşa bəxtini pley-offda sınamaq şansı qazanıb – 2:3.

L qrupunda dünya çempionatına vəsiqıni öncədən təmin edən lider Xorvatiya son turda səfər matçında Monteneqroya qalib gəlib – 2:3. Pley-offa çıxan Çexiya isə öz meydanında Cəbəllüttariqə aman verməyib – 6:0.

Beləliklə də, dünya çempionatının final mərhələsində iştirakı dəqiqləşən komandaların sayı 35-ə çatıb.

Qeyd edək ki, DÇ-2026-da 48 milli komanda iştirak edəcək. Turnir iyunun 11-dən iyulun 19-dək üç ölkədə – ABŞ, Kanada və Meksikada keçiriləcək.