Yaponiya hökuməti əhalinin azalması ilə mübarizə aparmaq üçün qərargah yaratdı

Yaponiya hökuməti əhalinin azalması ilə mübarizə çərçivəsində Baş nazir Sanae Takaiçinin rəhbərliyi altında xüsusi qərargah yaradıb.

presstvaz bu barədə “Kyodo” agentliyinə istinadən xəbər verir.

Məlumata görə, qərargah doğum nisbətinin artırılmasından və ailələrin dəstəklənməsindən tutmuş regionların inkişafının stimullaşdırılmasına qədər demoqrafik sahədə tədbirlərin həyata keçirilməsini koordinasiya edəcək. Hazırda bu məsələlərlə bir neçə qurum məşğul olur.

“Hər kəsin seçilmiş bölgədə yaşamağa davam etməsi üçün biz əhalinin azalması ilə mübarizə tədbirlərini hərtərəfli şəkildə təşviq edəcəyik”, – deyə Takaiçi bildirib.

Baş nazir, həmçinin sosial təminat islahatlarının təşviq edilməsini, səhiyyə, nəqliyyat və kommunal infrastrukturun rəqəmsallaşdırılmasını tələb edib.

Qeyd edilir ki, ötən il Yaponiyada 700 000-dən az insan doğulub ki, bu da 1899-cu ildə qeydiyyata başlanıldığı vaxtdan bəri ən aşağı göstəricidir. 65 yaşdan yuxarı yaponların nisbəti rekord həddə – ümumi əhalinin 29.4 faizinə çatıb. Bu göstəriciyə əsasən, gündoğar ölkə dünyada birinci yerdədir.