Şəmkirdə dönərdən KÜTLƏVİ ZƏHƏRLƏNMƏ ilə bağlı rəsmi açıqlama

Şəmkir rayonunda iki ayrı dönərxanada baş verən zəhərlənmə hadisəsi ilə bağlı araşdırma aparılır.

Bu barədə presstvaz-ın sorğusuna cavab olaraq Azərbaycan Qida Təhlükəsizliyi Agentliyindən (AQTA) məlumat verilib.

Bildirilib ki, hadisənin səbəbinin müəyyənləşdirilməsi məqsədilə Agentlik tərəfindən məsələ nəzarətə götürülüb:

“Agentliyin mütəxəssisləri hadisə yerinə baxış keçirib, müvafiq nümunələr götürülərək laborator müayinələrə cəlb edilib. Araşdırma davam edir”, – məlumatda qeyd olunub.

Aygün Mirakif

10:56

Şəmkir rayonunda iki ayrı dönərxanada zəhərlənmə hadisəsi baş verib.

presstvaz xəbər verir ki, hadisələr noyabrın 9-u saat 01 və 03 radələrində qeydə alınıb.

Şəhər ərazisində yerləşən “Mahmud” dönərxanasından Dəllər qəsəbə sakini 1982-ci il təvəllüdlü Ruslan Hacıbəy oğlu Eyniyev , “Mersin” dönərxanasından isə şəhər sakinləri 1994-cü il təvəllüdlü Nəsib Eldəniz oğlu Zeynalov, oğlu 2020-ci il təvəllüdlü Emin, qızı 2023-cü il təvəllüdlü Nazlı, Dəllər Cəyir qəsəbə sakini 1991-ci il təvəllüdlü Dürdanə Elçin qızı Kazımova, onun qızı 2014-cü il təvəllüdlü Damla və oğlu 2015-ci il təvəllüdlü Toğrulla birgə dönərdən zəhərlənmə ilə xəstəxanaya gətiriliblər.

Onlar ilkin tibbi yardım göstərildikdən sonra evə buraxılıblar.