Presstv.az Xronikası: Vətən müharibəsinin 27-ci günü

23 oktyabr 2020 – Qubadlının azadlığı uğrunda döyüşlər

       presstvaz xatırladır ki, 2020-ci il oktyabrın 23-ü, Vətən müharibəsinin 27-ci günü, Azərbaycan Ordusu Qubadlı istiqamətində gərgin və uğurlu döyüşlər aparmaqda idi.

Bu gün ordumuz Zəngilan şəhərinin azad edilməsindən sonra Qubadlı rayon mərkəzinə doğru irəliləməyə davam etdi. Düşmənin bir neçə müdafiə xətti yarıldı, mühüm yüksəkliklər ələ keçirildi.

       Azərbaycan Ordusunun Xüsusi Təyinatlı Qüvvələri, Daxili Qoşunlar və artilleriya bölmələri koordinasiyalı şəkildə hərəkət edərək, Qubadlı istiqamətində ciddi irəliləyiş əldə etdi.

Əməliyyatlar zamanı düşmənin çoxsaylı canlı qüvvəsi və texnikası məhv edildi, bir sıra hərbi anbar və qərargah yerləri sıradan çıxarıldı.

Prezident İlham Əliyev həmin gün xalqa müraciətində bildirdi:

       “Qubadlı istiqamətində Azərbaycan Ordusu irəliləyir. Hər gün yeni yaşayış məntəqələrimizi azad edirik. Qələbə bizim olacaq!”

Bununla yanaşı, Ermənistan tərəfi Gəncə, Bərdə, Tərtər və Ağdam rayonlarını artilleriya və raket atəşinə tutmaqla, döyüş meydanındakı məğlubiyyətlərini ört-basdır etməyə çalışırdı.

       Dinc əhali arasında yenidən itkilər və dağıntılar qeydə alındı. Amma xalqın dözümü və vətənpərvərliyi bu sınaqlardan onu daha da güclü çıxardı.

Cəbhədə isə Azərbaycan Ordusu Laçın dəhlizinə yaxın ərazilərdə mövqelərini möhkəmləndirirdi. Düşmən artıq geri çəkilmək məcburiyyətində qalmışdı.

       presstvaz xatırladır ki, 23 oktyabr 2020-ci il – Vətən müharibəsinin 27-ci günü, Qubadlı istiqamətində döyüşlərin intensivləşdiyi, ordumuzun Qələbəyə bir addım daha yaxınlaşdığı gün kimi tarixə düşdü.

Rəşad  CƏFƏRLİ,

Mənbə: Presstv.az – Azərbaycan xəbər portalı

presstvaz  – Azərbaycanın etibarlı informasiya mənbəyi.