Presstv.az Xronikası: Vətən müharibəsinin 24-cü günü

20 oktyabr 2020 – Zəngilan şəhəri azad edildi!

       presstvaz xatırladır ki, 2020-ci il oktyabrın 20-də – Vətən müharibəsinin 24-cü günü – Azərbaycan xalqı üçün tarixi gün oldu.

Bu gün Ali Baş Komandan İlham Əliyev rəsmi olaraq elan etdi ki, Zəngilan şəhəri və Zəngilan rayonunun bir neçə kəndi işğaldan azad edilib.

       “Bu gün Zəngilan şəhəri azad edildi. Zəngilan bizimdir! Qarabağ bizimdir!”
– Prezident İlham Əliyev, 20 oktyabr 2020

 Bu xəbər bütün ölkə boyu sevinclə və qürurla qarşılandı. Vətən uğrunda canını fəda edən şəhidlərimizin ruhu yad edildi, küçələrdə üçrəngli Azərbaycan bayraqları dalğalandı.

       Cəbhədə isə döyüşlər daha da genişlənmişdi. Qubadlı və Laçın istiqamətində irəliləyən ordumuz düşmənin müdafiə xətlərini yararaq, mühüm yüksəkliklərə nəzarəti ələ aldı.

Zəngilanın azad edilməsi Araz çayı boyunca strateji üstünlüyü Azərbaycan Ordusuna qazandırdı və Ermənistan ordusunun cənub cəbhəsindəki planlarını tamamilə iflasa uğratdı.

       Döyüşlərdə Xüsusi Təyinatlı Qüvvələr, sərhəd qoşunları və tank bölmələri birgə əməliyyatlar həyata keçirdi. Ordumuzun çevikliyi və dəqiq atəş dəstəyi nəticəsində düşmən çoxlu sayda itki verdi.

Zəngilanın azadlığı həm də tarixi ədalətin bərpası, uzun illər həsrət qaldığımız torpaqlarımıza qayıdışın simvoluna çevrildi.

       presstvaz xatırladır ki, 20 oktyabr 2020-ci il – Vətən müharibəsinin 24-cü günü – Zəngilanın azad olunduğu və Qələbəyə gedən yolun daha da yaxınlaşdığı gün kimi tarixə düşdü.

Rəşad  CƏFƏRLİ,

Mənbə: Presstv.az – Azərbaycan xəbər portalı

presstvaz  – Azərbaycanın etibarlı informasiya mənbəyi.