Musa Kazım Arıcan: “Birinci Türkoloji Qurultay türk millətlərinin birliyini hədəfləyən addım kimi tarixə keçdi”

“Birinci Türkoloji Qurultay türk millətinin mədəni bütövlüyünü, dil birliyini və elmi həmrəyliyini hədəfləyən böyük bir addım kimi tarixə düşdü”.

Bunu Birinci Türkoloji Qurultayın 100 illiyinə həsr olunan layihənin yeni buraxılışında Türkiyə Yazarlar Birliyinin baş katibi Musa Kazım Arıcan deyib.

O qeyd edib ki, qurultayın 100 illiyi münasibətilə bir araya gələrək bu müqəddəs irsi yad etmək və onu yenidən dəyərləndirmək yalnız keçmişə sədaqət deyil, həm də gələcəyə yönəlmiş aydın bir baxış deməkdir:

“Qurultay əlifba birliyindən yazı qaydalarına, ortaq terminologiyadan tədris metodikasına qədər bir çox sahədə ortaq düşüncənin və elmi yanaşmanın məhsulu olan qərarları ilə türk xalqlarının dil və mədəniyyət yolunda təməl daşlarından birinə çevrilib”.

Baş katib vurğulayıb ki, həmin gün qəbul edilən qərarların arxasındakı iradə və fədakarlıq yaddaşımızda yaşayır:

“Qurultayda iştirak edən bir çox alim və şair sonradan təzyiqlərin qurbanına çevrildi. Lakin onların səyləri bugünkü qardaşlığımızın, elmi əməkdaşlığımızın və mədəni həmrəyliyimizin bünövrəsini qoydu”.

Musa Kazım Arıcan əlavə edib ki, bu gün bizə düşən vəzifə bu mirası sadəcə qorumaq deyil, onu rəqəmsal dövrün imkanları ilə gələcəyə daşımaqdır.

Daha ətraflı Baku TV-nin videomaterialında: