“Azeronline” ardıcıl şəkildə müştəri məmnuniyyətini gücləndirir

“Azeronline LTD” BM tərəfindən aparılan müştəriyönümlü xidmət siyasəti nəticəsində 2025-ci ildə müştəri məmnuniyyəti göstəricilərində nəzərəçarpan artım qeydə alınıb.

Aparılan təhlillərə əsasən, müştəri münasibət indeksini ölçən NPS göstəricisi əvvəlki dövrlə müqayisədə 11 bal yüksələrək 69%-ə çatıb.

Bu nəticə “Azeronline” komandasının müştəri təcrübəsinin yaxşılaşdırılması, xidmət keyfiyyətinin yüksəldilməsi və istifadəçiyönümlü yanaşmanın inkişafı istiqamətində həyata keçirdiyi məqsədyönlü fəaliyyətin göstəricisidir.

Şirkət NPS ölçməsini müştəri təcrübəsinin əsas indikatorlarından biri kimi qiymətləndirir və növbəti dövrlərdə də xidmətlərin keyfiyyətinin daha da yaxşılaşdırılması, istifadəçilərin ehtiyaclarına çevik cavab verilməsi və brendə etimadın gücləndirilməsi istiqamətində tədbirlərini davam etdirəcək.

Qeyd edək ki, NPS (Net Promoter Score) müştərilərin şirkətin xidmətlərindən nə dərəcədə məmnun olduğunu və bu xidməti başqalarına tövsiyə etmə ehtimalını ölçən beynəlxalq göstəricidir.