Şirin yuxu gətirən qidalar

Yatmazdan əvvəl seçdiyiniz qidalar yuxunuza birbaşa təsir edir.

presstvaz xəbər verir ki, bunu rusiyalı somnoloq Valeriya Bonadykova deyib.

“Şamda triptofan tərkibli qidalar yeyilməlidir. Triptofan yuxu hormonu melatoninin sintezində iştirak edən amin turşusudur. Onlara hinduşka, balıq, yumurta, süd, yulaf və tam buğda çörəyi daxildir. Həmçinin, mürəkkəb karbohidratlar triptofandan yaxşı istifadə olunmasına kömək edir.

Axşam yeməyinə az miqdarda yaşıl tərəvəz və ya qoz-fındıq də əlavə etmək faydalıdır, çünki tərkibindəki maqnezium gərginliyi və narahatlığı azaldır. Yuxuya kömək edən içkilər kimi rom, melissa və lavanda çayları tövsiyə olunur. Aşağı yağlı isti süd də yuxunu sürətləndirə bilər, çünki serotonin və melatoninin ifrazını stimullaşdırır.

Somnoloq həmçinin qeyd edib ki, axşam qəhvə, alkoqol, qazlı içkilər, güclü çay və energetiklərdən uzaq durmaq lazımdır, çünki onlar sinir sistemini qıcıqlandırır və yuxu fazalarını pozur.