Luvrdan oğurlanmış bəzi qızıl-zinət əşyaları tapılıb

Oktyabrın 19-da səhər saatlarında Luvrdan oğurlanmış doqquz zinət əşyasından bəziləri artıq tapılıb.

presstvaz xəbər verir ki, bu barədə “Le Parisien” məlumat yayıb.

Tapılan əşyalar arasında imperator III Napoleonun həyat yoldaşı Yevgeniyanın tacı da var.

Qəzet, həmçinin quldurluqda dörd cinayətkarın da iştirak etdiyini yazıb. Onlardan ikisi fəhlə kimi sarı jilet geyinib, digər ikisi isə muzeyin pəncərəsi altında skuterlərdə gözləyiblər.

Fransanın mədəniyyət naziri Raşida Dati bildirib ki, oğruluq dörd dəqiqə çəkib. Cinayətkarlar tikinti işlərinin aparıldığı Sena sahilindən binaya daxil olublar. Onlar muzeyə daxil olmaq üçün kran maşınından istifadə ediblər. İki oğru pəncərələri sındıraraq, Apollon qalereyasına daxil olub və oradan qiymətli əşyaları oğurlayıblar.

15:00

Oktyabrın 19-u səhər Parisdəki Luvr muzeyində qarət hadisəsi baş verib.

presstvaz bildirir ki, bu barədə Fransanın mədəniyyət naziri Raşida Dati “X” sosial şəbəkə hesabında məlumat verib.

Onun sözlərinə görə, hadisə nəticəsində xəsarət alan olmayıb, istintaq tədbirləri görülür.

“Le Parisen” qəzetinin məlumatına görə, bir neçə cinayətkar muzeydə pəncərələri sındıraraq, zərgərlik və zinət əşyalarını oğurlayıblar.

Onlar hadisə yerindən qaçmağa müvəffəq olublar. Məlumata görə, cinayətkarların üzərində silah olub.

Luvr administrasiyası muzeyi ziyarətçilər üçün bağlayıb.

Un braquage a eu lieu ce matin à l’ouverture du @MuseeLouvre. Pas de blessés à déplorer. Je suis sur place aux cotés des équipes du musée et de la police. Constatations en cours.

— Rachida Dati ن (@datirachida) October 19, 2025