Polkovnik-leytenantın oğlunu öldürməkdə şübhəli bilinən şəxs polisə təslim olub

Gəncədə yeniyetməni qətlə yetirməkdə şübhəli bilinən şəxs polisə təslim olub.

presstvaz-ın məlumatına görə, 2007-ci il təvəllüdlü Gəncə şəhər sakini R.Cəfərov polisə gedərək ifadə verib.

18:08

Gəncədə qətlə yetirilən 16 yaşlı məktəbli polkovnik-leytenantın oğlu imiş.

presstvaz “Qafqazinfo”ya istinadən xəbər verir ki, öldürülən Vaqif Rəfibəylinin atası Rövşən Rəfibəyli uzun illər ədliyyə sistemində çalışıb.

Polkovnik-leytenant rütbəsi ilə xidmət etmiş R.Rəfibəyli Gəncə şəhərindəki istintaq təcridxanalarından birində rejim rəisi olub. Bu yaxınlarda yaş həddi ilə bağlı təqaüdə göndərilib.

Qeyd edək ki, hadisənin 18 yaşlı R.Cəfərov tərəfindən törədildiyi bildirilir. Polis onun tutulması istiqamətində əməliyyat tədbirləri aparır. Hələ ki, hadisənin baş vermə səbəbi açıqlanmayıb.

15:22

Gəncədə yeniyetməni qətlə yetirməkdə şübhəli bilinən şəxsin kimliyi müəyyən olunub.

presstvaz-ın məlumata görə, hadisənin 2007-ci il təvəllüdlü R.Cəfərov tərəfindən törədildiyi bildirilir.

Həmin şəxsin saxlanılması istiqamətində tədbirlər davam etdirilir.

Faktla bağlı Gəncə Şəhər Prokurorluğunda araşdırma aparılır.

13:53

Gəncə şəhərində qətl hadisəsi baş verib.

presstvaz xəbər verir ki, cinayət şəhər ərazisində qeydə alınıb.

Belə ki, 2009-cu il təvəllüdlü Vaqif Rəfibəyli bıçaqla qətlə yetirilib. Mərhumun 11-ci sinif şagirdi olduğu bildirilir.

Faktla bağlı araşdırmalar davam etdirilir.

Hazırda hadisənin təfərrüatları dəqiqləşdirilir.