20-ci mərtəbəyə qədər uçurlar: Quduzluq daşıyıcısı olan yarasalar Moskva sakinlərini qorxuda saxlayırlar

Rusiyanın Moskva vilayətində sakinlər quduzluq daşıyan yarasaların hücumlarından əziyyət çəkirlər.

presstvaz xəbər verir ki, bu barədə məlumatı “Baza” “Telegram” kanalı yayıb.

Bildirilir ki, yüzlərlə sakin açıq pəncərələrdən evlərinə daxil olan yarasaların qəfil hücumlarından şikayətlənir. Ən çox hadisə meşə yaxınlığında yerləşən yaşayış komplekslərində qeydə alınır. Bildirilir ki, yarasalar, hətta 20-ci mərtəbəyə qədər uça bilirlər.

Qeyd olunur ki, yarasalar və onların dişləməsi insan üçün təhlükəlidir. Bu heyvanlar ölümcül yoluxucu xəstəlik olan quduzluğun daşıyıcılarıdır.

Ekspertlərin sözlərinə görə, hazırda bu məməlilərin qış yuxusuna hazırlaşdıqları dövrdür və bu proses mart ayına qədər davam edəcək. Onlar anabioza düşmək üçün isti və gizli yerlər axtarırlar. Rahat qış yuxusu üçün yarasalara qaranlıq və müsbət temperatur lazımdır.