Gənclərdə infarkt nədən yaranır?

Okt 1, 2025 08:38 (UTC +04:00)

presstv

"Presstv"az #Ailə, #diabet, #Elektron siqaret, #Hadisə, #Həkim, #Sağlam həyat tərzi, #Sağlam qidalanma, #Siqaret, #Stres, #Ümumdünya Səhiyyə Təşkilatı (ÜST)

Son xəbərlər, Azərbaycanda və Dünyada ən aktual hadisələr "Presstv".az Azərbaycan Xəbər Portalı “Global Media Group”a daxil olan "Presstv".az Azərbaycan xəbər portalı 2023-cü ilin 16 Oktyabr- dan fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir. "Presstv".az 24 saat ərzində, Azərbaycan Türk Rus və İnglis dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır. Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün "Presstv".az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.

Son illərdə ürək-damar xəstəlikləri daha gənc yaşlarda görünməyə başlayıb.

presstvaz xəbər verir ki, əgər əvvəllər infarkt əsasən 60 yaşdan yuxarı insanlarda rast gəlinirdisə, indi 40-50 yaş arası şəxslər də risk qrupuna daxil olur.

Bu, həm həyat tərzi, həm də orqanizmin təbii dəyişiklikləri ilə bağlıdır.

Təzyiq və damar sərtliyi

Bu yaşdan sonra damar divarları əvvəlki elastikliyini itirir. Yüksək qan təzyiqi isə damarların daxili qatını zədələyərək infarkt üçün zəmin yaradır.

Xolesterin və damar tıxanıqlığı

Uzun illər ərzində yığılan qeyri-sağlam qidalanma nəticəsində xolesterin lövhələri əmələ gəlir. Damarların daralması ürəyə qan axınını zəiflədir və qəfil tıxanma ilə infarkt baş verə bilər.

Artıq çəki və maddələr mübadiləsi

40 yaşdan sonra maddələr mübadiləsi yavaşlayır. Hərəkətsizlik və yüksək kalorili yeməklər artıq çəkiyə səbəb olur. Qarın piylənməsi ürək xəstəliklərinin ən ciddi risk faktorlarından biridir.

Stress və gündəlik gərginlik

İş, ailə və sosial məsuliyyətlər bu yaş dövründə insanın üzərinə daha çox düşür. Uzunmüddətli stress ürək ritmini pozur, damar spazmları yaradır və təzyiqi yüksəldir. Bu isə miokard infarktının əsas amillərindən biridir.

Zərərli vərdişlər

Siqaret, elektron siqaret və spirtli içkilər ürək-damar sisteminə zərbə vurur. Bir çox həkimlərin sözlərinə görə, siqaret çəkən şəxslərdə infarkt riski çəkənlərə nisbətən 2-3 dəfə artıqdır.

Genetik faktorlar

Əgər ailədə gənc yaşda infarkt hadisələri olubsa, bu risk daha da artır. Genetik meyillik səbəbindən sağlam həyat tərzi belə riski tamamilə sıfırlamır, amma xeyli azaldır.

Yanaşı xəstəliklərin təsiri

Şəkərli diabet, qalxanabənzər vəzin hormonal pozğunluqları, böyrək xəstəlikləri ürək üzərində əlavə yük yaradır.

Ümumdünya Səhiyyə Təşkilatı (ÜST) bildirir ki, düzgün vərdişlərlə infarktın qarşısını almaq mümkündür. Bunun üçün:

-Sağlam və balanslı qidalanmaq,

-Fiziki aktivliyi artırmaq,

-Siqaret və alkoqoldan uzaq durmaq,

-Stressi idarə etməyi öyrənmək,

-Müntəzəm tibbi müayinədən keçmək vacibdir.