“Barselona”nın superulduzu Lamin Yamal pasportunu itirib və evə qayıda bilmir

Kataloniyanın “Barselona” klubunun və İspaniya millisinin yarımmüdafiəçisi Lamin Yamal 2026-cı il dünya çempionatının seçmə turnirinin Türkiyə millisi ilə matçından sonra pasportunu itirib.

presstvaz-ın xəbərinə görə, bu barədə “Allfootballapp” nəşri məlumat verib.

Məlumata görə, futbolçu oyunun keçirildiyi Konya şəhərində ilişib qalıb və şəxsiyyətini təsdiq edən sənəd olmadan evinə uça bilmir.

Qeyd edək ki, Türkiyə və İspaniya milli komandaları arasında “Medaş Konya Büyükşəhər” stadionunda keçirilən oyun qonaqların 6:0 hesablı qələbəsi ilə yekunlaşıb. Qaliblərin heyətində hit-treki “Arsenal”ın yarımmüdafiəçisi Mikel Merino reallaşdırıb.

“Barselona”nın yetirməsi olan Lamin Yamal 2024/25 mövsümündə La Liqada “Barselona”nın heyətində 35 oyun keçirib, 9 qol vurub və 13 məhsuldar ötürmə edib, komanda ilə çempionluq və İspaniya kubokunu qazanıb. 2024-cü ildə futbolçu İspaniya millisinin heyətində Avropa çempionatının qalibi olub.