Tramp ən uğursuz qərarlarından birini açıqladı

ABŞ Prezidenti Donald Tramp Cerom Pauellin Federal Ehtiyatlar Sisteminin rəhbəri təyin edilməsini özünün ən uğursuz qərarlarından biri hesab edib.

presstvaz-ın xəbərinə görə, o, bu barədə “Truth Social” platformasında yazıb.

(function () {window._ttzi = 161; var adv_161_iad = document.createElement(“script”);adv_161_iad.src = “https://newmedia.az/nativevideo/get_ads.js?v=” + new Date().toJSON().slice(0,10).replace(/-/g,’.’);adv_161_iad.async = true;(document.body || document.head || document.documentElement).appendChild(adv_161_iad);adv_161_iad.onload = function(){adv_161_iad.parentNode.removeChild(adv_161_iad);}})();

O qeyd edib ki, Pauellin rəhbərlik etdiyi Federal Ehtiyatlar Sistemi yüksək faizlə “mənzil bazarını boğur”.

Ağ Evin rəhbəri vurğulayıb ki, ABŞ-nin keçmiş prezidenti Co Bayden Pauellin “nə qədər pis” olduğunu görürdü, lakin yenə də onu vəzifədə təsdiqləyib.

Donald Tramp dəfələrlə Pauelli faiz dərəcələrinin yavaş templə endirilməsinə görə tənqid edib və onun işdən çıxarılmasının mümkünlüyündən danışıb. Lakin ekspertlərin qiymətləndirmələrinə görə, bu cür dəyişikliklər hökumətin monetar siyasətinə və Federal Ehtiyatlar Sisteminin müstəqilliyinə olan inama mənfi təsir göstərə bilər. Belə bir qərarın qlobal iqtisadiyyatı çökdürə biləcəyi də bildirilib. Nəticədə Tramp Pauelli vəzifəsindən azad etmək fikrində olmadığını deyib.